برمنگھم ۔ 25 جون (اے پی پی) پاکستان دی کرکٹ ٹیم بارہویں آئی سی سی ون ڈے ورلڈ کپ کرکٹ ٹورنامنٹ اچ اپنڑاں ستواں میچ صبحائیں بدھ کوں نیوزی لینڈ دے خلاف کھیڈسی ۔اے میچ پاکستان دے معیاری وقت دے مطابق ڈو وج تے 30منٹ تے برمنگھم اچ شروع تھیسی ۔ پاکستان ٹیم کیتے ہنڑ میگا ایونٹ دا ہر میچ فائنل میچ دی حیثیت اختیار کر گے تے ہنڑ پاکستان کوں ٹائٹل دے حصول کیتے فائنل میچ سمیت ہر میچ جتنڑ ضروری تھی گے ۔ میچ کھیڈنڑ کیتے پاکستان تے نیوزی لینڈ دیاں ٹیماں برمنگھم پج گن ۔ انگلینڈ اچ اجوکے سال ورلڈ کپ ٹورنامنٹ اچ شریک ٹیماں وچال عالمی ٹائٹل دے حصول کیتے زبردست جنگ جاری اے ۔
