بشکک ۔ 14 جون (اے پی پی)وزیراعظم عمران خان جمعہ کوں کرغزستان دے دارالحکومت بشکک اچ بیلا روس دے صدر الیگزینڈر لوکا شینکو نال ملاقات کیتی۔ ڈوہائیں رہنماواں وچال ملاقات شنگھائی تعاون تنظیم (ایس سی او) دے سربراہان حکومت دی کونسل دے 19ویں اجلاس دے موقع تے تھئی ۔ وزیر خارجہ شاہ محمود قریشی وی ایں موقع تے موجود ہن۔ پاکستان ایس سی او دا مستقل رکن جڈاں جو بیلا روس کوں تنظیم اچ مبصر ملک دی حیثیت حاصل ہے۔
