اسلام آباد ۔ 10 جون (اے پی پی) وزیراعظم عمران خان آکھیے جو اعلی حکام کفایت شعاری تے مبنی اقدامات کرنڑ ،جیرھا جو عوام سانگے مثالی ہونڑ۔انہاں خیالیں دا اظہار عمران خان سنوار کوں ہک اجلاس دی صدارت کریندے ہوئیں کیتا۔اجلاس اچ وزیراعظم کوں خیبرپختونخوا دے مالی بجٹ 2019-20دی نمایاں خصوصیات بارے ڈسایا گیا ۔ اجلاس اچ وفاقی وزیر منصوبہ بندی خسرو بختیار، وزیراعظم دے مشیر اسٹیبلشمنٹ ڈویژن محمد ارباب شہزاد، وزیراعلی خیبرپختونخوا محمود خان، وزیر خزانہ خیبر پختونخوا تیمور سلیم جھگڑا، خیبرپختونخوا دے سینئر وزیر عاطف خان، وفاقی سیکرٹری خزانہ، چیف سیکرٹری خیبرپختونخوا، گورنر اسٹیٹ بینک، چیئرمین فیڈرل بورڈ آف ریونیو اتے بئے اعلیٰ حکام شرکت کیتی۔ وزیراعظم کوں ڈسایا گیا جو انضمام شدہ قبائلی علاقیاں دی ترقی اتے خوشحالی کوں ترجیح ڈتی گی ہے جڈاں جو صوبائی سطح تے مالی وسائل پیدا کرنڑ سانگے بجٹ اچ خصوصی توجہ ڈتی گی ہے۔ وزیراعظم بجٹ سفارشات دی تعریف کیتی ،جیندا مقصد پی ایم آفس سمیت وفاقی حکومت دے دفتر اں دے خرچ اچ گھٹکی کرنڑ ہے۔ عمران خان آکھیا جو انہاں اقدامات پاروں بچت کوں ملک دے پسماندہ علاقیاں دی ترقی تے خرچ کیتا ویسی۔
