اسلام آباد ۔ 14جون (اے پی پی) وزیراعظم عمران خان جمعے کوں بشکیک اچ تھیونڑ آلے شنگھائی تعاون تنظیم (ایس سی او) دے رکن ملکاں سے سربراہاں دی کونسل دے اجلاس دے موقع تے چین دے صدر شی جن پنگ نال ملاقات کیتی اے ۔ایں موقع تے ڈوہیں رہنماواں سانجھے تعلقات تے گال مہاڑ کیتی ۔ وزیراعظم آفس توں جاری بیان دے مطابق ملاقت اچ وزیر اعظم دے معاون خصوصی امور نوجوانان محمد عثمان ڈار موجود ہن۔ وزیراعظم عمران خان صدر سورنبے جنبیکوف دی دعوت تے شنگھائی تعاون تنظیم دے سربراہی اجلاس اچ شرکت کیتے کرغزستان دے دورے تے ہن۔ اجلاس دی صدارت کرغزستان دے صدر کیتی ۔ اجلاس اچ پاکستان دے علاوہ ایس سی او دے رکن ملک چین ، روس ، بھارت، قازستان ،کرغزستان ، تاجکستان اتے ازبکستان دے وفد شریک ہن جڈاں جو اجلاس اچ ایس سی او دے مبصر ملکاں افغانستان ، ایران ، بیلا روس اتے منگولیا وی شریک ہن۔
