وزیراعظم عمران خان شنگھائی تعاون تنظیم دے سربراہ اجلاس اچ شرکت سانگے بشکک پج گن کرغزستان دے وزیراعظم محمد کلئی ابولگزیف اتے وزیر صحت کسموسبیک سراﺅچ وزیراعظم دا استقبال کیتا

APP40-13 BISHKEK: June 13 - Prime Minister Imran Khan being received by Prime Minister of Kyrgyzstan Mukhammedkalyi Abylgaziev upon arrival at Bishkek, Kyrgyz Republic. APP

اسلام آباد ۔ 13 جون (اے پی پی)وزیراعظم عمران خان شنگھائی تعاون تنظیم دے سربراہ اجلاس اچ شرکت سانگے خمیس کوں بشکک پج گن ۔ کرغزستان دے وزیراعظم محمد کلئی ابولگزیف اتے وزیر صحت کسموسبیک سراﺅچ عمران خان دااستقبال کیتا۔ وزیر خارجہ شاہ محمود قریشی اتے معاون خصوصی امور نوجوانان عثمان ڈار وی وزیراعظم دے کٹھے ہن ۔ وزیراعظم عمران خان 13 اتے 14 جون کو ںایس سی او دے 19ویں سربراہ اجلاس اچ شرکت سانگے کرغزستان دادورہ کر یندے پن۔ پاکستان دے علاوہ ایس سی او دے مستقل ارکاناں اچ چین، روس، بھارت، قزاخستان، کرغزستان، تاجکستان اتے ازبکستان شامل ہن جڈاں جوافغانستان، منگولیا، ایران اتے بیلا روس کو ں مبصر دی حیثیت حاصل ہے۔ وزیراعظم عمران خان کوں اجلاس اچ شرکت دی دعوت کرغزستان دے صدر سورون بیکوف ڈتی ہائی۔ اجلاس اچ اہم بین الاقوامی تنظیماں دے نمائندے وی شرکت کر یندے پن۔ مختلف شعبیں اچ سانجھا تعاون اچ ودھارے دی غرض نال معاہداں تے دستخط دے علاوہ سربراہان مملکت اجلاس اچ اہم نوعیت دے فیصلے وی کریسن۔ وزیراعظم عمران خان ایں موقع تے بئے ملکاں دے سربراہاں نال ملاقاتاں وی کریسن۔