اسلام آباد ۔ 21جون (اے پی پی) پارلیمانی سیکرٹری ریلوے فرخ حبیب آکھیے جو وزیراعظم عمران خان کفایت شعاری مہم دا آغاز وزیراعظم ہاﺅس دے خرچے کوں ہک ارب 50کروڑ توںگھٹ کرتے 5کروڑ کیتے ‘ حکومت زرعی شعبے کوں ریلیف ڈیسی‘ اپوزیشن ایوان اچ شور شرابہ دے بجائے بجٹ تے اپنڑی تجویز ڈیوے‘ سابق وزیر خزانہ اسد عمر بجٹ اچ اپنڑی تجویز ڈتی اے‘ حکومت انہاں دا خیرم مقدم کریندی اے ۔ جمعے کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں فرخ حبیب آکھیے جو تحریک انصاف دی حکومت ملک دے معاشی حالات دے مطابق قومی خزانہ دے وسائل کوں ودھ سارے استعمال توں روکنڑ کیتے کفایت شعاری مہم دا آغاز کیتے
