ملتان ۔05 جون (اے پی پی)وزیر خارجہ مخدوم شاہ محمود قریشی عید دے پر مسرت موقع تے قوم کوں مبارخ ڈتی اے تے اپنڑے پیغام اچ انہاں آکھیے جو قوم ایں سال تحریک انصاف دے اقتدار دی بدولت بھرپور جوش اچ اے تے عید بھرپور جذبے نال منائی ویندی پئی اے ۔ انہاں رمضان المبارک اچ عوام دی عبادات دی قبولیت دی دعا کیتی تے عید دی مبارخ ڈتی تے آکھیا جو اساں عید دیاں خوشیاں اچ اوں صورت اچ مزہ گھن سگدوں جڈاں اساں مستحقین تے حق داراں کوں یاد رکھوں۔انہاں آکھیا عید دے موقع تے پاکستان کیتے اپنڑیاں جاناں دا نذرانہ پیش کرنڑ آلے سویلین تے سکیورٹی اداریں نال تعلق رکھنڑ آلے شہیداں تے غازیاں کوں خراج تحسین پیش کریندوں تے عوام عید دیاں خوشیاں اچ اپنڑے شہیداں کوں نہ بھلن جیں دی بدولت اج اساں آزاد اتے خود مختار مملکت اچ زندگی گزریندے پیوں ۔
