وزیر اعظم عمران خان سعودی عرب دا دورہ مکمل کرتے وطن ول آئن

اسلام آباد ۔ یکم جون (اے پی پی) وزیر اعظم عمران خان سعودی عرب دا دورہ مکمل کرتے چھنڑ چھنڑ کوں وطن ول آئن۔انہاں مکہ مکرمہ اچ 14ویں اسلامی سربراہ کانفرنس اچ پاکستان دی نمائندگی کیتی۔جدہ اچ او آئی سی فورم نال خطاب کیتے اتے اسلامو فوبیا سودھے مسلم امہ دے بئے چیلنجاں نال نبڑن کیتے مشترکہ کوششاں تے زور ڈتے۔انہاں کشمیر اتے فلسطین دے مسلماناں دی حمایت کیتے وی مدد منگی۔ وزیر اعظم عمران خان سعودی شاہ سلمان بن عبدالعزیز السعود،ولی عہد محمد بن سلمان ،افغان صدر اشرف غنی،مصری صدر عبدالفتح السیسی اتے بوسنیا دے صدر سیفک ظفیروک نال وی ملین۔وزیراعظم مکہ اچ عمرہ کیتے اتے مدینہ اچ روضہ رسولﷺ تے حاضری ڈتی۔