برسلز۔ 25 جون (اے پی پی) وزیر خارجہ شاہ محمود قریشی خبردار کیتا جو ایران اچ کہیں قسم دے عدم استحکام نال پاکستان دی سکیورٹی اتے افغانستان اچ جاری امن عمل تے تباہ کن اثرات پمسن۔ بھارت جنوبی ایشیاءاچ سٹریٹجک توازن وگاڑ تے اتے علاقائی سلامتی کوں داﺅ تے لیندا پئے۔افغانستان اچ بھارت دی ودھدی ہوئی سٹریٹجک مداخلت پاکستان دی سلامتی تے گھاٹے اثرات پیسی۔جموں تے کشمیر دا تنازعہ جنوبی ایشیاءاچ پائیدار امن تے سلامتی قائم کرنڑ دے رستے اچ رکاوٹ اے۔پاکستان انسداددہشت گردی دے شعبے اچ اپنڑے تجربے اتے مہارت یورپی یونین دے نال ونڈنڑ کوں تیار اے،پاکستان کوں دہشت گردی دے بنیادی خطرات دا اجاں وی سامنڑاں اے۔اے گالھیں وزیر خارجہ شاہ محمود قریشی دا برسلز اچ یورپی یونین دی سیاسی تے سلامتی کمیٹی نال خطاب کریندیں ہوئیں آکھی۔
