وزیر خارجہ شاہ محمود قریشی دا لندن اچ رہنڑ آلی پاکستانی بزنس کمیونٹی نال خطاب

Foreign Minister of Pakistan Makhdoom Shah Mahmood Qureshi addressing the Pakistani community at the Pakistan High Commission London on 17-6-2019

لندن۔ 18 جون (اے پی پی) وزیر خارجہ شاہ محمود قریشی آکھیے جو پاکستان اچ پچھلیاں حکومتاں نہ صرف پاکستان کوں قرضے اچ پھسائے بلکہ ملکی معیشت کوں تباہی دے پاسے گھن آئے۔اساڈای پہلی کوشش اے جو پاکستان اچ سیاحت دا ودھارا تھیوے ،آزادانہ فارن پالیسی کیتے اساکوں معاشی طور تے مستحکم تھیونڑاں ہوسی ، برطانیہ اچ رہنڑ آلی پاکستانی کمیونٹی پاکستان اچ سرمایہ کاری کرے،اساڈی سرمایہ کار دوست پالیسیاں توں فائدہ چاوے تے پاکستانی ہوونڑ دے ناطے پاکستان دی تعمیر وترقی اچ اپنڑاں حصہ پاوے ۔اے گال انہاں منگل کوں لندن اچ رہنڑ آلی پاکستانی بزنس کمیونٹی نال خطاب کریندے ہوئیں آکھی اے ۔ شاہ محمود قریشی آکھیے تساکوں پتہ اے جو پچھلیاں حکومتاں اپنڑیاں مفاد پرست پالیسیاں پاروں پاکستان کوں قرضے اچ پھسائے ملکی معیشت کوں تباہی دے پاسے گھن آئین ،اساں اینکوں خود انحصاری تے گھن آونڑ چاہندوں ایندے کیتے تساڈا تعاون درکار اے ۔ شاہ محمود قریشی آکھیے جو اساں نواں ویزہ نظام متعارف کرائے تاں جو پاکستان اچ آونڑ دے خواہشمند کاروباری حضرات کوں پریشانی دا سامنڑاں نہ کرنڑاں پووے تے ای ویزہ دی سہولت توں فائدہ چاسگن ۔وزیر خارجہ آکھیا جو لندن اچ میڈی بزنس کمیونٹی بال بہوں سود مند ملاقات تھئی اے جیرھی جو مقررہ وقت توں ودھ چلدی رہی اے ڈوہیں پاسوں دلچسپی دا عنصر بہوں زیادہ ہئی ۔ وزیر خارجہ آکھیا جو میں سفارت خانیں کوں خصوصی ہدایات جاری کیتن جو پاکستانی کمیونٹی دے مسئلے ترجیحی بنیاداں تے حل کیتے ونجن ۔پاکستانی بزنس کمیونٹی کامیاب متحرک تے فعال خارجہ پالیسی اپناوڑ تے وزیر خارجہ کوں مبارخ ڈتی تے معاشی سفارت کاری کوں کامیاب بنڑاونڑ کیتے اپنڑے ہر ممکن تعاون دا یقین ڈیوایا ۔