اسلام آباد ۔ 13 جون (اے پی پی) وزیر داخلہ اعجاز احمد شاہ خمیس کوں فرشتہ دے پیو اتے گھر آلیاں نال ملاقات کیتی اتے وزارت داخلہ اتے پولیس ولوں ہر ممکن تعاون دا یقین ڈیوایا ۔وزارت داخلہ توں جاری بیان مطابق انہاں آکھیا جو فرانزک رپورٹ اتے بئے حقائق وختی منظر عام تے آویسن، اسلام آباد پولیس معاملے دی تہہ تئیں پج گی ہے اتے یقینی انصاف ڈتا ویسی۔ فرشتہ دے لواحقین وزیر داخلہ کوں اپنڑے ڈکھ دا اظہار کریندے ہوئیں آکھیا جواساڈے ڈکھ کوں سیاسی رنگ ڈتا گیا،ہنڑ انہاں وچوں کو ئی اساڈے نال کائنی۔ انہاں تعاون دی یقین دہانی تے وزیر داخلہ دا شکریہ ادا کیتا۔
