اسلام آباد ۔ 12 جون (اے پی پی) وزیر مملکت ریونیو حماد اظہر آکھیے جو موجودہ حکومت مالدار لوکیں کوں ٹیکس نیٹ اچ گھن آونڑ سانگے اقدامات کیتے ہن ، انکم ٹیکس آرڈیننس اچ فائلر بنڑن سانگے سارے طریقے موجود ہن۔ ایہ گالھ انہاں بدھ کوں پوسٹ بجٹ پریس کانفرنس توں خطاب کریندے ہوئیں آکھی ۔ انہاں آکھیا جو پچھلی حکومت نان فائلرز کوں وی آئی پی دا درجہ ڈتا ہا،ہنڑ اساں قنون بدل ڈتے۔ نان فائلرز کوں قنونی کارروائی دا وی سامنڑاں کرنڑ پوسی۔ انہاں آکھیا جو انکم ٹیکس آرڈیننس فائلر بننڑن دے سارے کوائف واضح کریندے۔ ا نہاں آکھیا جو ہنڑ نان فائلر دے خلاف کارروائی تھیسی اتے ا یں جرم تے سزا وی ڈتی ویسی۔
