وزیر مملکت سیفران شہریار آفریدی دا سنیٹ قائمہ کمیٹی ریاستیں تے سرحدی امور دے اجلاس اچ گالھ مہاڑ

اسلام آباد ۔ 12 جون (اے پی پی)چیئرمین قائمہ کمیٹی سینیٹر تاج محمد آفریدی دی صدارت اچ سینٹ قائمہ کمیٹی ریاستیں تے سرحدی امور دا اجلاس بدھ کوں تھیا ۔اجلا س اچ گالھ مہاڑ کریندے ہوئیں وزیر مملکت سیفران شہریار آفریدی آکھیا جوحکومت خیبرپختونخوا اچ ضم تھیونڑ آلے علاقیاں دے مسئلیاں توں چنگی طرح واقف ہے، انہاں علاقیاں دے ارکان قومی اسمبلی مسئلیاں بارے ڈساونڑ، انہاں کوں حل کرنڑ دی ہر ممکن کوشش کریسوں۔ پیسکو حکام نے اجلاس کو ں ڈسایا جو ضم تھیونڑ آلے علاقیاں اچ بجلی یقینی طور تے ڈیونڑ، چار گرڈ اتے تیمرہ گرہ توں باجوڑ ٹرانسمیشن لائن تے کم جاری ہے۔ انہاں آکھیا جو فنڈز دی گھٹکی پاروں بجلی دے کم اچ دیر تھئی۔ اجلاس اچ ریکوری اتے بقائے وصول کرنڑ دے معاملات بارے وی ڈسایا گیا۔