اسلام آباد ۔ 11 جون (اے پی پی) وفاقی حکومت نان فائلرز تے جائیداد دی پابندی ختم کر ڈتی اے ، غیر منقولہ جائیداد تے ٹیکس ڈو فیصد توں گھٹ کرتے ہک فیصد کر ڈتا گے ۔ منگل کوں وزیر مملکت ریونیو حماد اظہر مالی سال 2019-20ءدا بجٹ پیش کریندے ہوئیں آکھیے جو غیر منقولہ جائیداد تے ٹیکس ڈو فیصد توں گھٹ کرتے ہک فیصد کر ڈتا گے ۔انہاں آکھیے جو غیر منقولہ جائیداد دی مارکیٹ ویلیو کوں 85فیصد تئیں گھن آیا ویندا پئے تے نان فائلرز کیتے جائیداد دی پابندی ختم کر ڈتی گئی اے ۔انہاں ڈسایا جو نان فائلر 50 لکھ روپے توں ودھ دی جائیداد گھن سگسن۔ 50 لکھ توں رقم دی ترسیل تے پچھ گچھ تھیسی تے شہری کوں آمدن دے ذرائع ڈساونڑیں ہوسن ۔ لگژری آئٹمز دی درآمد تے ڈیوٹی اچ ودھارے دی تجویز اے۔
