پاکستان اچ 71سال توں امیر لوکاں توں کوئی پھچھنڑ آلا کائناں ہئی،ملکی سلامتی تے کوئی سمجھوتہ کائناں کریسوں، وزیر مملکت شہریار خان آفریدی

اسلام آباد ۔ 24 جون (اے پی پی)سرحداں تے ریاستی امور دے وزیر مملکت شہریار خان آفریدی آکھیے جو مسلمان اسلامی تعلیمات کوں چھوڑ ڈیونڑ دی وجہ توں پستی دا شکار ہن ،پاکستان اچ 71سالاں توں امیر لوکاں توں کئی پھچنڑ آلا کائناں ہئی ،اللہ توں ڈرنڑ آلا چالاں چلنڑ ولیں توں نی ڈردا ،ملکی سلامتی اتے احترام تے کوئی سمجھوتہ کائناں کریسوں ۔سنوار کوں قومی اسمبلی اچ وفاقی بجٹ 2019-20 تے بحث اچ حصہ گھندے ہوئیں وزیر مملکت سیفران شہریار خان آفریدی آکھیا جو اللہ دی وحدانیت تے سمجھوتہ کرنڑآلا ذلیل و خوار تھی ویندے ‘ حضرت محمدﷺ دے خلاف سوچ اتے فکر رکھنڑآلا انسانیت کیتے ناسور بنڑ ویندے ۔ غیر مسلم انسانی حقوق اتے پائیدار ترقی دے اہداف دی گال کریندن ۔ مسلماناں انساناں دے علاوہ چرند پرند تے وی حکومت کیتی ۔ مسلمان اسلامی تعلیمات کوں چھوڑ ڈیونڑ پاروں پستی دا شکار ہن ۔