پاکستان ڈے بہوں سارے بحری وسائل موجود ہن انہاں کوں استعمال کرتے ملکی معیشت کوں مضبوط کیتا ونج سگدے، ایڈمرل ظفر عباسی

اسلام آباد ۔ 11 جون (اے پی پی)پاک بحریہ دے سربراہ ایڈمرل ظفر محمود عباسی آکھیے جو پاکستان دے بہوں سارے بحری وسائل موجود ہن تے انہاں کوں استعمال کرتے ملکی معیشت کوں مضبوط کیتا ونج سگدے ،پاک بحریہ کوں چارے جہت اچ ہک ناقابل تسخیر فورس بنڑاونڑ کیتے کم کریندے پیوں ،سی پیک تے گوادر بندرگاہ توں بہوں سارے سمندری وسائل جڑیے پن جیں نال اساکوں من حیث القوم فائدہ چاونڑ دی ضرورت اے ۔او منگل کوں نیشنل ڈیفنس یونیورسٹی اسلام آباد اچ کورس دے شرکاءاتے فیکلٹی ممبراں نال خطاب کریندے پے ہن ۔ترجمان پاک بحریہ دے مطابق پاک بحریہ دے سربراہ پاکستان نیوی متعلق اپنڑے وژن تے پاکستان نیوی دے جاری منصوبیں تے تفصیلی روشنی پاتی ۔