پوری دنیا اچ 152 ملین بال جبری مشقت تے مجبور ہن، اقوام متحدہ

برسلز ۔ 12 جون (اے پی پی) اقوام متحدہ دے ادارہ اطفال یونیسیف دے مطابق پوری دنیا اچ 152ملین بال جبری مشقت تے مجبور ہن۔ یونیسیف دی ہک تازہ رپورٹ دے مطابق پوری دنیا دا ہر ڈاہواں بال یا بالڑی زندہ رہنڑ یا اپنڑے خاندان دی مدد کرنڑ کیتے مزدوری کریندے۔ یونیسیف ولوں گزریل ڈینھ بالاں دی مزدوری دے خلاف عالمی ڈینھ منایا گے ۔ایندے اچ ڈسایا گے جو متاثرہ بالاں اچ ادھ کوں کم دے خراب حالات دا سامنڑاں رہندے جڈاں جو انہاں دا جسمانی استحصال وی کیتا ویندے۔ ایجھے متاثرہ بالاں دی ساریں توں وڈی تعداد افریقہ تے ایشیا اچ ہے۔