اسلام آباد ۔ 19 جون (اے پی پی) پارلیمانی سیکرٹری ریلوے فرخ حبیب آکھیے جو چیئرمین سینٹ محمد صادق سنجرانی ہن تے رہسن ‘ اپوزیشن جماعتاں وچال اتفاق تے اتحاد کائنی ‘ اپوزیشن لیڈر دی تقریر دے دوران پی پی اتے جمعیت علماءاسلام احتجاج کریندی رہی اے ‘ قومی ترقی کونسل توں پاکستان کوں فائدہ تھیسی ۔ بدھ کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں انہاں آکھیا جو وزیراعظم عمران خان ملکی ترقی تے عوام دے مسئلے حل کیتے سنجیدہ ہن ۔ قومی ترقی کیتے قومی ترقیاتی کونسل دا قیام انہاں دے وژن دی کڑی اے ۔ انہاں آکھیا جو اپوزیشن جماعتاں اپنڑے اپنڑے مقصد دے حصول کیتے کوشاں ہن ،تے اپنڑے آپ کوں بچاونڑ کیتے این آر او منگدے پن انہاں کوں این آر او کائناں ملسی ۔ اپوزیشن لیڈر دی تقریر دے دوران پیپلز پارٹی ‘ جے یو آئی (ف) احتجاج کر یندی پئی ہئی،اے کیجھا اتحاد اے ۔
