لاہور۔16 جون(اے پی پی )وزیراعلیٰ پنجاب سردارعثمان بزدارآکھیے جو گذریل حکومت دیاں غلط پالیسیاں پاکستان کوں بہوں نقصان پچائے،ورثے اچ ملے بد ترین معاشی حالات دے باوجودساڈی حکومت اقتصادی بہتری کیتے ٹھوس اقدامات کیتن، اجوکا بجٹ پاکستان تحریک انصاف دے منشور اتے عوام نال کیتے گئے وعدیاں دی تکمیل دو ہک اہم اقدام اے۔اپنڑے ہک بیان اچ انہاں آکھیے جو گذریل دور اچ جنوبی پنجاب کوں265ارب روپے توں محروم رکھیا گئے،جنوبی پنجاب دی ترقی کیتے صرف کھوکھلے نعرے لائے گین،ترقیاتی منصوبیاں دے ناں تے عوام نال فراڈکیتا گئے،پی ٹی آئی دی حکومت عوام نال وعدے پورے کریسی۔انہان اآکھیے جو پچھلے دور اچ جنوبی پنجاب اچ پسند ناپسند دی بنیاد تے کم کیتا گئے بھل اساں ہکو سوں ترقی اتے مساوی فنڈز دی تقسیم دے فلسفے تے ٹدے پئے ہیں،جنوبی پنجاب دیاں محرومیاں دا ازالہ کیتا ویسی، تہوں تحریک انصاف دی حکومت آندے مالی سال دے ترقیاتی بجٹ دا 35فیصد جنوبی پنجاب کیتے رکھیے،اگو تے جنوبی پنجاب دا مختص بجٹ بیا کتھائیں خرچ تھی سگسی نہ ہی منتقل کیتا ویسی۔
