گورنر پنجاب دا معروف ادیب ڈاکٹر انور سجاد دی فوتگی تے افسوس دا اظہار

اسلام آباد ۔ 07 جون (اے پی پی)گورنر پنجاب چوہدری محمد سرور معروف ادیب ڈاکٹر انور سجاد دی رحلت تے ودھ سارے ڈکھ تے افسوس دا اظہار کیتے ۔جمعے کوں اپنڑے ٹوئیٹ پیغام اچ انہاں مرحوم دی خدمات کوں خراج تحسین پیش کریندے ہوئیں آکھیے جو اردو ادب دے عظیم ادیب ڈاکٹر انور سجاد دی رحلت نال انہاں کوں بہوں ڈکھ تھئے ۔انہاں دی ادبی خدمات بے شمار ہن، اتے انہاں دے لکھیے ہوئے ناول نینگر لکھاریاں کیتے مشعل راہ ہن ،انہاں مرحوم دے بلندی درجات کیتے دعا کیتی۔