گورنر ہاﺅس نتھیا گلی، وزیر اعلیٰ ہاﺅس ، سپیکر ہاﺅس اتے آئی جی ہاوس سمیت سارے سرکاری ریسٹ ہاوسز کوں عوام سانگے کھولیا ونجے ،وزیراعظم عمران خان دی ہدایت

اسلام آباد ۔ 21 جون (اے پی پی) صوبہ خیبرپختونخوا اچ گورنر ہاوس نتھیا گلی، وزیر اعلیٰ ہاوس، سپیکر ہاﺅس اتے آئی جی ہاوس سمیت سارے سرکاری ریسٹ ہاوسز کوں عوام سانگے کھولنڑ دا فیصلہ کیتا گئے۔ ایہ فیصلہ وزیراعظم عمران خان دی صدارت اچ خیبرپختونخوا اچ واقعہ سرکاری ریسٹ ہاوسز تے بی سرکاری عمارتاں کو ںعوام سانگے کھولنڑ اتے ایندے چنگے استعمال بارے اجلاس اچ کیتا گئے۔ اجلاس اچ گورنر خیبرپختونخوا شاہ فرمان، وزیر اعلیٰ محمود خان، وزیر سیاحت عاطف خان اتے سینئر افسراں شرکت کیتی۔ ایں موقع تے وزیراعظم ہدایت کیتی جو آندے ڈو ہفتاں اچ انہاں عمارتاں کوں عوام سانگے دستیابی یقینی بنڑائی ونجے۔