اسلام آباد ۔ 16 جولائی (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو شاہد خاقان عباسی دا چیلنج قبول اے، چوری دا ”کھرا“ برطانیہ ویندا پئے ، ہنڑ بئے ملکاں اچ وی ویسی تے انکشاف تھیونڑ حالی باقی ہن ،پہلی حکومت اے جیرھی چوراں کوں انہاں دے گھر تئیں پجیندی پئی اے ،چوری تے سینہ زور ہنڑ کائناں چلسی ۔منگل کوں اپنڑے ٹویٹ اچ وزیراعظم دی معاون خصوصی ڈاکٹر فردوس عاشق اعوان آکھیا جو لٹیا مال واپس کرنڑاں پوسی ،اے 22 کروڑ عوام دا مقدمہ اے۔انہاں مسلم لیگ (ن) دے رہنما شاہد خاقان عباسی کوں الویندے ہوئیں آکھیے جو شہباز شریف جیرھا کجھ اکھیندن او کریندے کائنی۔انہاں زرداری کوں سڑکاں تے گھیلڑاں ہئی لیکن گل لاگھدے ،دھیلے دی کرپشن ثابت تھیونڑ تے وی سیاست چھوڑنڑ دا اعلان کیتا ہئی ،چھی مہینے اچ بجلی دی لوڈ شیڈنگ نہ مکاونڑ تے ناں بدالنڑ دا وعدہ وی بھل گئے ہن۔