لندن۔04جولائی(اے پی پی)ورلڈ کپ 2019 دے بہوں اہم میچ اچ انگلینڈ جونی بیئراسٹو اتے جیسن روئے دی چنگی بیٹنگ اتے بالراں دی محنت پاروں نیوزی لینڈ کوں سوکھیں 119 رنزتوں ہرا تے سیمی فائنل اچ پجنڑ آلی تریجھی ٹیم بنڑ گئے۔چیسٹر لی اچ کھیڈیے گئے میچ اچ انگلینڈ ٹاس جیت تے پہلے بیٹنگ کیتی اتے نیوزی لینڈ کوں ترائے سو پنج رنز دا ہدف ڈتے۔انگلینڈ ولوں جونی بیرسٹوہک سوچھی رنز تے اوٹ تھین جڈاں جو جیسن روئے سٹھ رنز بنڑا ئن،کپتان مورگن 42 رنز، جو روٹ 24 رنز،جوز بٹلر 11 رنز، عادل رشید 16 رنز اتے بین اسٹوکس وی 11 رنزبنڑائن۔نیوز لینڈ ولوں ٹرینٹ بولٹ، ہنری اتے جمی نیشام 2،2 وکٹان گھدن۔ولدے اچ نیوزی لینڈ دی ٹیم سنبھل نہ سگی اتے ہک توں بعدہک کھیڈاڑی پویلین ویندا رہے اتے کیویز دی پوری ٹیم 45 اوورز اچ 186 رنز تے آوٹ تھے گئی۔ٹام لیتھام 57 رنز ،کپتان ولیمسن اٹھاوی،روس ٹیلر 27 رنز،جمی نیشام 19 اتے گرینڈ ہوم 3 رنزبنڑا سگین اتے 119 رنز توں ہر گین۔انگلینڈ ولوں مارک ترائے وکٹاں گھدن۔انگلینڈ دی ٹیم نیوزی لینڈ توں جیت تے پوائنٹس ٹیبل تے بارہاں پوائنٹس نال تریجھے نمبر تے آتے سیمی فائنل اچ پج گئی اے۔