اسلام آباد ۔ 16 جولائی (اے پی پی) ڈپٹی چیئرمین سینیٹ سلیم مانڈوی والا وادی نیلم اتے ایندے نیڑے سیلاب پاروں جانی تے مالی ضیان تے افسوس دا اظہار کیتے ۔اہاں حکومتی اداریں تے خاص طور تے این ڈی ایم اے تے زور ڈتے جو او سیلاب آلے علاقیں اچ امدادی کاروائیاں تکھیاں کریندے ہوئیں لوکاں دی جان تے مال دے تحفظ تے انہاں کوں اتھوں حفاظت نال کڈھنڑ کوں یقینی بنڑاوے تے نال ہی متاثرین کوں ساریاں سہولتاں وختی پجائیاں ونجن۔ انہاں آکھیا سیلاب پاروں ضیان تے قوم ڈکھی تے اساں اوکھے ویلھے اچ انہاں دے رلے کھڑوں ۔ ڈپٹی چیئرمین سینیٹ زخمیاں کوں طبی امداد ڈیونڑ تے وی زور ڈتا ۔