،وزیر خارجہ مخدوم شاہ محمود قریشی دی لندن اچ دولت مشترکہ وزراءخارجہ اجلاس اچ شرکت دے بعد پریس کانفرنس

اسلام آباد ۔ 11 جولائی (اے پی پی) وزیر خارجہ مخدوم شاہ محمود قریشی آکھیا جو اجوکے حالات اچ اقتصادی ترقی ،تجارت اتے سیاحت کوں ودھاونڑ سانگے رابطے ودھاونڑ بہوں ضروری ہن ،سی پیک معاشی ترقی دا ہم منصوبہ اے جئیں تے پاکستان کاربند اے،غیر ملکی سرمایہ کار پاکستان اچ پرکشش حکومتی مراعات توں فائدہ چاون۔خمیس کوں لندن اچ دولت مشترکہ وزراءخارجہ اجلاس اچ شرکت دے بعد پریس کانفرنس نال خطاب کریندیں ہوئیں انہاں آکھیا جو میں پاکستان بارے دولت مشترکہ دے ممبراں دی توجہ ڈوائی اے جڈانجو مہاجرین اتے پناہ گزیناں بارے دولت مشترکہ دے اجلاس اچ گالھ کیتی اے۔انہاں آکھیا جو پاکستانیاں دی وڈی تعدادبرطانیہ اچ رہندی اے کیونجو بہوں ملکاں کوں اپنڑی گروتھ کوں چنگا بنڑاونڑ سانگے انسانی وسائل دی لوڑھ اے،اساں انہاں کوں آکھے جو پاکستانیاں کوں قانونی طریقے نال اپنڑے ملک اچ آونڑ دی سہولتاں ڈتی ونجن۔انہاں آکھیا جو پاکستانی ڈاکٹرز ، انجینئرز اتے بئے پروفیشنلز برطانیہ اچ خدمات نبھیندے پئن۔