اسلام آباد۔04جولائی(اے پی پی)عالمی مالیاتی ادارے (آئی ایم ایف) پاکستان اچ معاشی استحکام پروگرامدے تحت 3 سال دے دوران 6 ارب ڈالر قرض دیونڑ دی منظوری ڈے ڈتی اے۔آئی ایم ایف دے ترجمان گیری رائس سماجی رابطے دی ویب سائٹ ٹویٹر تے ہک بیان اچ آکھیے جو آئی ایم ایف دے ایگزیکٹیو بورڈ پاکستان دے معاشی منصوبے اچ تعاون سانگے ترائے سالان دے دوران 6 ارب ڈالر قرض دی منظوری ڈتی اے جیندا مقصد ملک دی معیشت اچ مستقل ودھوتری اتے جیونڑ دا معیار چنگا کرنڑ اے۔پاکستان کوں اے پیسہ مرحلہ وار39مہینے دے دوران ڈتا ویسی اتے این دوران آئی ایم ایف پاکستان دی معاشی کارکردگی دا ہر ترائے مہینے بعد باقاعدگی نال جائزہ گھندا راہسی۔آئی ایم ایف ولوں منظور کردہ چھی ارب ڈالر اچوں ڈو ارب ڈالر ابتدائی طور تے ایں سال ہی مل ویسن جیندے نال پاکستان کوںا ٓمدن ودھاونڑ، مالیاتی انتظام دے استحکام، مالیاتی ادائیگیاں دے توازن سودھا سرکاری قرض گھٹاونڑ اچ مدد ملسی۔
