اطلاعات تے نشریات بارے معاون خصوصی ڈاکٹر فردوس عاشق اعوان دی پارلیمنٹ دے باہر صحافیاں نال گالھ مہاڑ

اسلام آباد ۔ 3 جولائی (اے پی پی) معاون خصوصی اطلاعات تے نشریات ڈاکٹر فردوس عاشق اعوان بدھ کوں پارلیمنٹ دے باہر میڈیا نال گالھ مہاڑ کریندے ہوئیں آکھیا جو میڈیا دی آزادی اتے اظہار رائے تے کوئی قدغن کائنی، نیب دی زیر حراست مقدمیاں دا سامنڑاں کرنڑ اتے پروڈکشن آرڈر تے پارلیمنٹ اچ آونڑ آلے ارکان اسمبلی تے قوانین اتے قواعدو ضوابط لاگو تھیندن، پیمرادا ضابطہ اخلاق اتے قوانین وی زیر تفتیش ملزماں دے انٹرویودی اجازت نی ڈیندا۔ سابق صدر آصف علی زرداری دے انٹرویو کوں نشر کرنڑتوں روکنڑبارے ہک سوال دے جواب اچ انہاں آکھیا جو کوئی وی ملزم جیرھا ریمانڈ تے نیب کنوں زیر تفتیش ہوندے اینکوں عوامی رسائی حاصل نی ہوندی اتے ایجھے کہیں ملزم دا انٹرویو وی نی کیتا ونج جا سگدا۔ انہاں آکھیا جو سابق صدر پارلیمنٹ دے رکن ہن،انہاں تے پارلیمنٹ دے قوانین لاگو ہوندن، اوہ پروڈکشن آرڈر تے قومی اسمبلی اجلاس اچ شرکت سانگے پارلیمنٹ ہاﺅس اچ لاتے گئے ہن، سپیکر قومی اسمبلی دی اجازت دے بغیر انہاں دا انٹرویو نی کیتا ونج جا سگدا ، سپیکر جیرھا جو پارلیمان دے محافظ ہن، کوں بائی پاس کر تے ایہ انٹرویو کیتا گیا،ا یہ پیمرا دے ضابطہ اخلاق اتے قوانین دی وی خلاف ورزی ہائی کیونجو پیمرا دا ضابطہ اخلاق اتے قواعد ایندی اجازت نی ڈیندے۔ انہاں آکھیا جو زیر تفتیش ملزم داانٹرویو قنون دا مذاق اڈاونڑ آلی گالھ ہے، قنون بناونڑ آلیاں کوں قنون دا احترام کرنڑ چاہیدے۔ احسان اللہ احسان اتے صولت مرزادے ماضی اچ چلنڑآلے انٹرویوز دے حوالے نال ہک سوال تے ڈاکٹر فردوس عاشق اعوان آکھیا جو اوہ نیب دے ملزم کائنی ہن اتے نہ ہی انہاں تے پارلیمان دے قواعد و ضوابط لاگو تھیندے ہن ، اگر ماضی اچ کجھ غلط تھیا وی تاں غلط روایات کوں اگی تے ودھاونڑ چاہیدے، پارلیمنٹ دا اپنڑاں تقدس ہے۔ سپیکرقو می اسمبلی کہیں کوں انٹرویو دی اجازت نی ڈتی۔