اسلام آباد ۔ 11 جولائی (اے پی پی) وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو اقتدار دے بکھے ریاست،اداریاں،پاکستان دی فوج دے بعد ہنڑ وفاقی دی علامت سینیٹ آف پاکستان کوں ہدف بنڑیندے پئن،اجوکی اپوزیشن ملک اچ جمہوریت کوں ڈھال بنڑا تے اداریاں کوں کمزور کر تے اپنڑے تابع کرنڑ دی کوشش کریندی پی اے،عوام پچھدن جو خود چنڑیے گئے چیئرمین کوں کیوں بدلیا ویندا پے،حکومت کہیں بندے یا شخصیت دی بجائے سینیٹ دے تقدس سانگے ادارے نال کھڑی تھیسی،سینیٹ تے لشکر کشی کائنا تھیونڑ ڈیسوں،سینیٹ اچ ڈھگ سارے آزاد الیکشن لڑ کراہیں آونڑ آلے ممبراں پاکستان نال کھڑا تھیونڑ پسند کریسن،آئی ایم ایف ولوں مسلم لیگ(ن) اتے پیپلز پارٹی دی گندی معاشی کارکردگی کوں ذمہ وار قرار ڈیونڑ عمران خان دی بیانیت تے مہر لیندے،حقیقی لیڈراں کوں ووٹ بینک دی بجائے عوام اتے ملک دی فکر ہوندی اے،وزیراعظم عمران خان پہلے ڈینھ توں اپنڑے ایجنڈے اچ اصلاحات کوں ترجیح ڈتی اے،تباہ حال اداریاں کوں اپنڑے پیراں تے کھڑا کر تے سروس ڈلیوری اتے ڈومیسٹک چیلنجز کوں حل کریسوں،پاکستان اچ پائیدار ترقی سانگے ادارہ جاتی اصلاحات ضروری ہن ،او ویلھا پرے کائنی جڈاں اساں اپنڑے سارے اہداف گھن گھنسوں۔او خمیس کوں پرسٹن یونیورسٹی اچ سر سلطان محمد شاہ خان آغا سوئم دی 62 ویں برسی دی تقریب نال خطاب اتے صحافیاں نال گالھ مہاڑکریندی پی ہن ۔
