امریکا دی ایران کوں یورینئم افزودگی دی صورت اچ سنگین نتیجے دی دھمکی

واشنگٹن۔04جولائی(اے پی پی)امریکا ہک واری ولا ایران کوں یورینئم افزودگی دی صورت اچ سنگین نتیجے دی دھمکی ڈتی اے۔ امریکا دے صدر ڈونلڈ ٹرمپ خبردار کیتے جیکر ایران یورینیم افزودگی دی مقررہ حدٹپیا تان اوکون ایندا سنگین نتیجہ بھگتنڑا پوسی،چنگا ہوسی جو ایران ڈو ہزار پندرھاں دے ایٹمی معاہدے دی پاسداری کرے۔انہاں اے گالھ ایرانی صدرحسن روحانی دے اوں ٹویٹ دے ولدے اچ آکھی جیندے اچ آکھیا گیا ہا جو نویں ایٹمی معاہدے دی عدم موجودگی اچ ایران کہیں وی مطلوبہ مقداراچ یورینیم افزودہ کر سگدے۔ایرانی صدر آکھیے جو مقررہ حد توں ودھ یورینیم دی افزودگی دافیصلہ ایٹمی معاہدے تے بئے فریقاں ولوں وعدیاں دی پاسداری نہ کرنڑ اتے ایران دے خلاف لگیاں امریکی پابندیاں نہ ہٹاونڑ دے ولدے اچ کیتا گئے۔