تہران ۔ 19 جولائی (اے پی پی) ایران دے وزیر خارجہ جواد ظریف ایران تے امریکی پابندیاں کوں ”معاشی دہشتگردی“ قرارڈیندے آکھیے جو ایران کوں بدترین معاشی دہشتگردی دا نشانہ بنڑایاویندا پئے۔ نیویارک اچ اقوام متحدہ دے صدر دفتر اچ پائیدار ترقی دے اہداف بارے اجلاس اچ خطاب کریندے ہوئے انہاں آکھیے جو امریکا اپنڑے ناجائزسیاسی مقاصد کیتے ایرانی معصوم عوام کوں ظالمانہ معاشی دہشتگردی دی ولھیت اچ سٹیندا پئے جیندے نال ایران دی پائیدار ترقی دے اہداف پورے کرنڑ اچ اوکھ آندا پئے۔انہاں ایرانی سفارتکاراں تے امریکی سفری پابندیاں تے وی افسوس کیتے۔
