کراچی۔ 04جولائی (اے پی پی) پاکستانی کرنسی زور پکڑن لگ گئی اے۔ انٹربینک مارکیٹ اچ ڈالر 1 روپے 11 پیسے سستا تھی تے 156 روپے 50 پیسے تے وکدا پئے۔مارکیٹ اچ بدھ دی سویل کاروباراچ ڈالردے ریٹ اچ گراوٹ ڈٹھی گئی اے اتے انٹربینک مارکیٹ اچ امریکی کرنسی روپے دے مقابلے1 روپے 11 پیسے ڈھے گئی اے جیندے نال ہی ڈالر 156 روپے 50 پیسے اچ ٹریڈ کریندا رہے۔گذریل ڈینہہ انٹر بینک مارکیٹ اچ ڈالر دی قدر 72 پیسے ڈٹھی ہئی۔ تجزیہ کاراں دے مطابق پاکستان کیتے آئی ایم ایف دے 6 ارب ڈالر قرض دی منظوری پاروں ملکی کرنسی اچ استحکام اتے معاشی بحالی دا قوی امکان اے۔
