لندن ۔ 11 جولائی (اے پی پی) بارہویں آئی سی سی ون ڈے ورلڈ کپ کرکٹ ٹورنامنٹ دا فائنل میچ 14 جولائی کوں لندن، لارڈز اچ کھیڈیا ویسی ۔ نیوزی لینڈ دی ٹیم ورلڈ کپ دی تاریخ اچ ڈوجھی واری فائنل اچ پج گئی اے ۔نیوزی لینڈ میگا ایونٹ دے پہلے سیمی فائنل میچ اچ بھارت کوں سنسنی خیز مقابلے دے بعد 18رنز توں ہرا تے میگا ایونٹ دا فائنل کھیڈنڑ دا اعزاز حاصل کیتے ۔ایندے توں پہلے آسٹریلیا اچ کیویز ٹیم 2015ءدے ورلڈ کپ کرکٹ ٹورنامنٹ دا فائنل وی کھیڈ چکی اے ایندے اچ کینگروز اپنڑی سرزمین تے کیویز کوں 7 وکٹاں توں ہرا تے ٹائٹل اپنڑے ناں کیتا ہئی ۔ ایں واری کیوی ٹیم کوں ولا اے موقع مل گے جو تاریخ اچ پہلی واری میگا یونٹ دا ٹائٹل اپنڑے ناں کرسگن ۔ نیوزی لینڈ دی ٹیم ایندے توں پہلے کرکٹ دی تاریخ اچ حالی تئیں آئی سی سی ورلڈ کپ کائنی جت سگی ۔ کیویز ٹیم دے کپتان کین ولیمسن آکھیے جو فائنل اچ کوئی وی حریف تھیا اینکوں ہرا تے پہلی واری ٹائٹل اپنڑے ناں کریسوں۔انہاں آکھیے جو بھارت دے خلاف کامیابی دے بعد ٹیم دا حوصلہ اچا تھی گئے ۔ واضح رہے جو میگا ایونٹ دا فائنل میچ 14 جولائی کوں لندن لارڈز اچ کھیڈیا ویسی تے اے میچ پاکستان دے معیاری وقت دے مطابق 2 وج تے 30 منٹ تے شروع تھیسی ۔ شائقین کرکٹ کوں ہک چنگاں میچ ڈیکھنڑ کوں ملسی۔
