مکہ ۔ 31 جولائی (اے پی پی) خادم حرمین شریفین شاہ سلمان بن عبدالعزیز سارے سرکاری اداریں کوں حکم ڈتے جو او حج تے آونڑ آلیں کوں معیاری خدمات پیش کرتے عظیم اعزاز دا حق ادا کرن۔سعودی خبر رساں ادارے دے مطابق شاہ سلمان امسال اندرلے تے باہرلے ملکاں توں فریضہ حج دے عازمین کوں مبارخ ڈتی اے ۔انہاں ایں گال تے اللہ دا شکریہ ادا کیتے جو پروردگار سعودی عرب ،ایندے قائدین تے عوام کوں حرمین شریفین تے انہاں دی زیارت کیتے آونڑ آلیں دی خدمت دا انمول اعزاز عطا کیتا ہویا اے ۔ شاہ سلمان دعا کیتی جو اللہ تعالیٰ سارے عازمین کوں حج دے کم احسن طریقے نال ادا کرنڑ دی توفیق عطا فرماوے، انہاں دا حج قبول فرماوے ،انہاں اطمینان ڈیوایا جو مکہ مکرمہ ، مدینہ منورہ ،منیٰ ، مزدلفہ اتے عرفات اچ حج تے آونڑ آلیں کیتے سارے اداریں اتنظامات مکمل کر گھدن ۔
