نیویارک ۔ 31 جولائی (اے پی پی) امریکی میگزین دی رپورٹ دے مطابق چین دی ریل گاڈی دنیا دی تکھی رفتار 15ریل گاڈیاں اچ سرفہرست اے ۔ ایندی فی گھنٹہ رفتار 317 کلومیٹر اے جیرھی جو دارالحکومت بیجنگ کوں نانجینگ نال رلیندی اے ۔پوری دنیا اچ ڈوجھی تکھی رفتار ریل گاڈی اٹلی دی اے اے میلان شہر کوں ریگیو امیلیا نال رلیندی اے تے ایندی فی گھنٹہ رفتار 272 کلو میٹر اے ۔پوری دنیا دی تریجھی تکھی رفتار ریل گاڈی فرانس دی اے، اے شامبین ارڈن شہر کوں لورین نال رلیندی اے ایندی فی گھنٹہ رفتار 271 کلومیٹر اے۔جاپان دی ریل گاڈی (267 کلو میٹر) چوتھے، سپین (259 کلو میٹر) پنجویں، تائیوان (256 کلومیٹر) چھیویں، جرمن (238 کلومیٹر) ستویں، مراکش (232 کلومیٹر) اٹھویں ، بیلجیئم اتے فرانس کوں رلاونڑ آلی انٹرنیشنل ریل گاڈی (229 کلومیٹر) نویں، جنوبی کوریا (222 کلومیٹر) ڈاہویں ، ترکی (208 کلو میٹر) یارہویں، روس (201 کلومیٹر) بارہویں، برطانوی ریل گاڈی(179 کلومیٹر) تیرھویں اتے آسٹریا دی ریل گاڈی (176 کلومیٹر) چوڈھویں نمبر تے ہے۔
