راشد خان تریے فارمیٹس اچ افغانی کرکٹ ٹیم دے نویں کپتان بنڑ گین

دبئی۔ 13 جولائی (اے پی پی)مہاندرے سپنر اتےآل راونڈرراشد خان تریے فارمیٹس اچ افغانی کرکٹ ٹیم دے نویں کپتان بنڑ گین۔انہاں کوں گلبدین نائب دی جاہ تے کپتان بنڑایا گئے۔ اصغر افغان نائب کپتان برقرار راہسن۔افغانستان کرکٹ بورڈورلڈ کپ توں پہلے اصغر افغان کوں ہٹا تے گلبدین نائب کوں ون ڈے، راشد خان کوں ٹی ٹونٹی اتے رحمت شاہ کوں ٹیسٹ ٹیم دا کپتان بنڑایا ہا بھل ورلڈ کپ مکنڑتوں بعد راشد خان کوں تریے فارمیٹس اچ افغانی کرکٹ ٹیم دا نواں کپتان بنڑا ڈتا گئے۔