سپریم کورٹ اچ جج ویڈیو سکینڈل دے حوالے نال کیس دی سماعت ترائے ہفتے کیتے ملتوی

اسلام آباد ۔ 23 جولائی (اے پی پی) سپریم کورٹ احتساب عدالت دے جج دے ویڈیو سکینڈل دے حوالے نال کیس دی سماعت ترائے ہفتے کیتے ملتوی کریندے ہوئیں ہدایت کیتی اے جو ایں معاملے دی جاری تحقیقات دے نتیجے سامنڑے آونڑ دے بعد عدالت مناسبت قدم چیسی ۔منگل کوں چیف جسٹس آصف سعید کھوسہ دی سربراہی اچ جسٹس شیخ عظمت سعید اتے جسٹس عمر عطاءبندیال تے مشتمل ترائے رکنی بینچ جج ویڈیو سکینڈل دے حوالے نال کیس دی سماعت کیتی ۔ایں موقع تے اٹارنی جنرل انور منصور دلائل ڈیندے ہوئیں عدالت کوں ڈسایا جو ویڈیو بنڑاونڑ آلے بندے کوں گرفتار کرگھدا گے ۔ایندے توں ویڈیو دی کاپی وی برآمد کرگھدی گئی اے جیرھی جو یو ایس بی اچ محفوظ کیتی گئی ہئی ۔ ایندے توں مزید تحقیقات جاری ہن، ایف آئی اے سائبر کرائم ونگ وی معاملے دی تحقیقات کریندا پئے توقع اے جو تحقیقات آندے ڈو ہفتے اچ مکمل تھی ویسی۔