اسلام آباد ۔ 18 جولائی (اے پی پی) صدر مملکت ڈاکٹر عارف علوی نال الجزائر کیتے پاکستان دے نامزد سفیر عطاءالمنیم شاہدخمیس کوں ایوان صدر اچ ملاقات کیتی۔ایں موقع تے گالھ مہاڑ کریندے ہوئیں صدر عارف علوی آکھیا جو پاکستان اتے الجزائر وچال ڈوطرفہ تجارت ودھاونڑ سانگے چنگے اقدامات کرنڑ دی ضرورت ہے، ڈوہائیں ملکاں وچال تجارت داحجم حقیقی استعداد توں گھٹ ہے۔انہاں آکھیا جو پاکستان الجزائر دے نال اپنڑے تعلقات کوں وڈی اہمیت ڈیندے۔ انہاں نامزد سفیر تے زور ڈتا جو ا وہ سانجھے فائدے سانگے مختلف شعبیں اچ ڈوطرفہ تعلقات ودھاونڑ کیتے یقینی کوششاں کرنڑ ۔ انہاں نامزد سفیر کوں آکھیا جو موجودہ حکومت ڈوطرفہ اقتصادی فائدے کیتے برآمدات ودھاونڑ تے توجہ ڈیندی پی ہے۔ انہاں نامزد سفیر کوں ہدایت کیتی جو اوہ الجزائر کوں پاکستانی افرادی قوت اتے شعبیں اچ مہارت، تجربہ اتے مشینری دی برآمد تے اپنڑیں توجہ ڈیونڑ۔
