اسلام آباد ۔ 12 جولائی (اے پی پی) سپیکر قومی اسمبلی اسد قیصر آکھیے جو قومی اسمبلی دی تاریخ اچ پہلی واری کہیں سپیکر باہرلے ملک سرکاری مصروفیات تے سرکاری خزانے دا ہک پیسہ نی خرچیا۔جمعے کوں سپیکر قومی اسمبلی اسد قیصر اپنڑے ٹویٹر پیغام اچ آکھیے جو او ایں گال دی وضاحت کرنڑ چاہندن جو انہاں اپنڑے اجوکے باہرلے ملک دوریں تے سرکاری خزانے توں ہک پیسہ وی نی خرچ کیتا ۔انہاں آکھیا میں یکم جولائی توں 5جولائی تئیں ماسکو اچ انٹرنیشنل کانفرنس پارلیمنٹیرین ڈویلپمنٹ اچ شرکت کیتی جیں دے سارے خرچے میں اپنڑی جیب توں ڈتے ۔ہنڑ او برطانیہ اچ اپنڑے خاندان نال ملنڑ کیتے آئین ایندے خرچے وی انہاں اپنڑی جیب توں کیتن ۔انہاں آکھیے جو قومی اسمبلی دی تاریخ اچ پہلی واری کہیں سپیکر سرکاری مصروفیات تے غیرملکی دورے دے سارے خرچے خود کیتن ۔انہاں ملک دی معیشت دے حوالے نال اطمینان دااظہار کریندے ہوئیں آکھیے جو سرکاری خزانے تے گھٹ توں گھٹ بوجھ پوونڑاں چاہیدے ۔
