نجی شعبہ دی عوامی فلاح تے بہبود دے منصوبیں اچ شامل کرنڑ دی حوصلہ افزائی سانگے ہر ممکن تعاون اتے سہولت ڈتی ویسی ، وزیراعظم عمران خان دی سابق کرکٹر شاہد آفریدی نال گالھ مہاڑ

اسلام آباد ۔ 15 جولائی (اے پی پی) وزیراعظم عمران خان آکھیے جونجی شعبہ دی عوامی فلاح تے بہبود دے منصوبیں اچ شامل کرنڑ دی حوصلہ افزائی سانگے ہر ممکن تعاون اتے سہولت ڈتی ویسی ۔ انہاں ا یہ گالھ سابق کرکٹر شاہد آفریدی نال گالھ مہاڑ کریندے ہوئیں آکھی،جنہاں سنوار کوں وزیراعظم آفس اچ انہاں نال ملاقات کیتی۔ ملاقات اچ سینیٹر فیصل جاوید اتے معاون خصوصی نعیم الحق وی موجود ہن۔ ملاقات اچ احساس پروگرام، پناہ گاہیں ورگے عوامی فلاح تے بہبود دے منصوبیں بارے گالھ مہاڑ کیتی گی۔ شاہد آفریدی گالھ مہاڑ کریندے ہوئیں آکھیا جو عوامی فلاح تے بہبود دے حوالے نال حکومتی منصوبیں اچ نجی شعبہ چنگی دلچسپی رکھیندے، نجی شعبہ پناہ گاہیں بنڑاونڑ سانگے بیا متحرک کردار ادا کرنڑ دی خواہشمند رکھیندے۔ وزیراعظم آکھیا جو عوامی فلاح تے بہبود دے منصوبیں اچ نجی شعبہ دی دلچسپی قابل تحسین ہے۔