نیوزی لینڈ دے شہر کرائسٹ چرچ دیاں مسیتاں اچ فائرنگ دے200 متاثرین خادم حرمین شریفین دی دعوت تے ایں سال حج کریسن

کرائسٹ چرچ۔ 19 جولائی (اے پی پی)سعودی فرمانروا شاہ سلمان بن عبدالعزیز نیوزی لینڈ دے شہر کرائسٹ چرچ دیاں مسیتاں اچ فائرنگ دے200 متاثرین کوں ایں سال حج کرنڑ دی دعوت ڈتی اے۔شہید لوکاں اچ نوں پاکستانی وی شامل ہن جڈاں جو متاثرین اچ انڈیا، بنگلہ دیش، افغانستان، اردن اتے مصرسودھے چھی عرب ملکاں دے لوک وی شامل ہن۔انہاں عازمین کوں شاہی مہمان دا درجہ حاصل ہوسی جیندے کیتے سارے انتظامات سعودی وزارت اسلامی امور و دعوت و رہنمائی کریسی۔ شاہ سلمان ہر سال پورے جگ دے سینکڑاں مسلم لوکاں کوں اپنڑی دعوت تے حج کرویندن۔ سعودی وزیراسلامی امور شیخ ڈاکٹر عبداللطیف آل الشیخ ڈسائے جو سفر حج دی کارروائی نیوزی لینڈ اچ سعودی سفارتخانہ کریسی اتے ساریاں سہولتاں ڈیسی ۔