اسلام آباد ۔ 15 جولائی (اے پی پی) وزیراعظم عمران خان آکھیا جو قومی آمدنڑ دا تقریباً ادھا حصہ قرضیاں اتے سود اچ خرچ تھی ویندے،معاشی استحکام سانگے ضروری اے جو معاشی سرگرمیاں کوں باقاعدہ دستاویزی شکل ڈتی ونجے،ٹیکس دے دائرہ کوں ودھایا ونجے اتے انضمام تھیے علاقیاں اچ ٹیکس دی شرح دے تعین اچ علاقے دی عوام دی اوکھ کوں ڈٹھا ونجے،انضمام تھیے علاقیاں دی عوام بہوں قربانیاں ڈتین ،انہاں علاقیاں دی ترقی اتے نینگراں کوں روزگار ڈیونڑ پہلی ترجیح اے۔اے گالھیں انہاں سنوار کوں اپنڑی صدارت اچ انضمام تھیے علاقے سابق فاٹا اچ ترقیاتی منصوبیاں تے پیش رفت بارے جائزہ اجلاس نال خطاب کریندیں ہوئیں آکھی۔اجلاس اچ قائدِ ایوان سینٹ شبلی فراز، وزیرِ اعلیٰ خیبر پختونخواہ محمود خان، سینیٹر ہدایت اللہ، سینیٹر اورنگ زیب خان، سینیٹر مرزا محمد آفریدی، سینیٹر مومن آفریدی اتے سینیٹر سجاد طوری شریک ہن۔اجلاس اچ انضمام تھیے علاقیاں اچ جاری ترقیاتی منصوبے اتے انضمام دے بعد انتظامی معاملیاں تے پیش رفت دا جائزہ گھدا گیا۔
