سرمایہ کاری بورڈ دی سفارشات دی روشنی اچ متعلقہ قوانین کوں صوبیاں دی سانجھ نال بیا سوکھا بنڑایا ویسی جڈانجو غیر ضروری شرطاں کوں ختم کیتا ویسی،سرمایہ کاراں دی حوصلہ افزائی اتے انہاں کوں ہرممکن سہولتاں ڈیونڑ حکومت دی پہلی ترجیح اے،وزیراعظم عمران خان
اسلام آباد ۔ 12 جولائی (اے پی پی) وزیراعظم عمران خان چیئرمین سرمایہ کاری بورڈ کوں کاروباربارے وفاقی تے صوبائی قوانین کوں ہم آہنگ اتے مربوط بنڑاونڑ دا عمل ہک مہینے پورا کرنڑ دی ہدایت کریندیں ہوئیں آکھیا جو سرمایہ کاری بورڈ دی سفارشات دی روشنی اچ متعلقہ قوانین کوں صوبیاں دی سانجھ نال بیا سوکھا بنڑایا ویسی جڈانجو غیر ضروری شرطاں کوں ختم کیتا ویسی،سرمایہ کاراں دی حوصلہ افزائی اتے انہاں کوں ہرممکن سہولتاں ڈیونڑ حکومت دی پہلی ترجیح اے۔انہاں دے ہدایت جمعہ کوں سرمایہ کاری بورڈ دے بورڈ آف ڈائریکٹرز دا اجلاس دی صدارت کریندیں ہوئیں آکھی۔اجلاس اچ وزیرِ توانائی عمر ایوب خان، مشیر خزانہ ڈاکٹر عبدالحفیظ شیخ، مشیر تجارت عبدالرزاق داو ¿د، چیئرمین بورڈ آف انویسٹمنٹ زبیر گیلانی، ڈاکٹر سلمان شاہ، ڈاکٹر شمشاد اختر، احمر بلال صوفی تے بئے شریک ہن۔اجلاس اچ مختلف شعبیاں اچ ملکی تے غیر ملکی سرمایہ کاری ودھاونڑ،کاروبار دی رستے اچ رکاوٹاں اتے اوکھ کوں دور کرنڑ،اسپیشل اکنامک زونز بنڑاونڑ،صنعت تے حرفت نال جڑے بندیاں کوں سہولتاں ڈیونڑ اتے وفاقی تے صوبائی سطح تے کاروباری برادری سانگے سہولتاں ڈیونڑ کوں یقینی بنڑاونڑ سانگے سرمایہ کاری بورڈ ولوں کیتے ونجنڑ آلے اقدامات اتے ایں بارے مستقبل دے لائحہ عمل تے غورکیتا گے۔
