وزیراعظم عمران خان دی صدارت اچ وفاقی کابینہ دا اجلاس

اسلام آباد۔ 2 جولائی (اے پی پی) وفاقی کابینہ ’ اولڈ ایج ہومز دے قیام سانگے سینئر سٹیزن بل 2019ءاتے نیشنل کمیشن برائے حقوق اطفال بنڑاونڑ دی اصولی منظوری ڈے ڈتی اے جڈانجو سعودی عرب ولوں حج2019ءسانگے ایف آئی اے دے حوالے کرنڑ اتے ملکی ایئرپورٹس دے بہتر انتظام کوں یقینی بنڑاونڑ سانگے ہک ہفتے اچ مستقبل دا لائحہ عمل بنڑاونڑ دا فیصلہ کیتے،وزیراعظم پہلی حج پرواز اچ روانہ تھیونڑ آلے عازمین حج کوں خود روانہ کریسن۔وفاقی کابینہ دا اجلاس وزیراعظم عمران خان دی صدارت اچ منگل کوں وزیراعظم آفس اچ تھیا۔اجلاس دے بعد وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان کابینہ دے اجلاس دے فیصلیاں بارے پریس کانفرنس کریندیں ڈسیا جو کابینہ وزیر مملکت حماد اظہر کوں وفاقی وزیر دا عہدہ ملنڑ تے مبارکباد ڈتی اے۔