اسلام آباد ۔ 12 جولائی (اے پی پی) وزیراعظم عمران خان آکھیے جو حکومت غیر ملکی سرمایہ کاری دے ودھارے تے کاروبار سوکھا کرنڑ تے خصوصی توجہ ڈیندی پئی اے ،سی پیک منصوبے دے تحت مختلف شعبیں اچ طے شدہ منصوبیں کوں عملی جامہ پواونڑ پہلی ترجیح اے ۔انہاں اے گال جمعے کوں چینی کاروباری برادری دے وفد نال ملاقات کریندے ہوئیں آکھی اے ۔وفد اچ 55 توں ودھ مختلف چینی کمپناں دے سربراہ موجود ہن۔ ملاقات اچ مشیر خزانہ ڈاکٹر عبدالحفیظ شیخ، مشیر تجارت عبدالرزاق داود، وزیر منصوبہ بندی مخدوم خسرو بختیار، چیئرمین سرمایہ کاری بورڈ زبیر گیلانی ، چیئرمین ایف بی آر شبر زیدی تے بئے شریک ہن ۔ پاکستان اچ چین دے سفیر وی ملاقات اچ موجود ہن ۔
