وزیراعظم ولوں بلیو اکانومی تے بنڑائی ونجنڑ آلی کمیٹی دا وفاقی وزیر بحری امور علی زیدی دی زیرصدارت اجلاس

اسلام آباد ۔ 15 جولائی (اے پی پی) وزیراعظم ولوںبلیو اکانومی تے بنڑائی ونجنڑ آلی کمیٹی دا اجلاس سنوار کوں وفاقی وزیر بحری امور علی زیدی دی زیر صدارت منعقد تھیا جیں اچ وائس چیف آف نیول سٹاف وائس ایڈمرل کلیم شوکت سمیت ریلوے، فوڈ سکیورٹی، پیٹرولیم سمیت مختلف وزارتاں دے نمائندیں شرکت کیتی ۔ اجلاس نال خطاب کریندے ہوئیں وفاقی وزیر علی زیدی آکھیا جو پوری دنیا اچ بلیو اکانومی تقریباً 23 ٹریلین ڈالر تے محیط اے ، امپورٹ ایکسپورٹ دا سارا انحصار بندرگاہیں اُتے ہے ، وزارتاں دے سانجھے تعاون نال بلیو اکانومی اچ موجود صلاحیت نال فائدہ تھیسی۔انہاں آکھیا جو پاکستان دی طویل ساحلی پٹی قدرتی وسائل نال مالامال اے ۔ نویں شپنگ پالیسی نال واضح بہتری آسی، انہاں دا مزید آکھنڑ ہا جو ماضی اچ فشریز دے شعبے کوں مکمل طور تے نظر انداز کیتا گیا ، فشریز کوں عالمی معیار تے واپس گھن تے آسوں۔