واشنگٹن۔ 22 جولائی (اے پی پی) وزیر اعظم عمران خان نال ناصر جاوید ،اشرف قاضی اتے شوکت دھنانی پاکستانی سفارتخانے اچ ملاقات کیتی۔انہاں آکھیا جو وزیراعظم کوں پاکستان اچ اکیڈیمیا، مینوفیکچرنگ اتے سٹیل دی صنعت اچ سرمایہ کاری کیتے اپنڑی دلچسپی بارے ڈسائے ۔ انہاں پاکستان دی سماجی و اقتصادی ترقی کیتے وزیراعظم دے ویژن دی تعریف کیتی ۔ وزیر خارجہ شاہ محمود قریشی بحری امور دے وزیر سید علی حیدر زیدی، تجارت سانگے وزیر اعظم دے مشیر عبدالرزاق داﺅد، وزیراعظم دے مشیر خزانہ ڈاکٹر عبدلحفیظ شیخ ، سمندر پار پاکستانیاں کیتے وزیراعظم دے معاون خصوصی ذوالفقار عباس بخاری وی ملاقات اچ موجود ہن ۔ وزیر اعظم غیر ملکی سرمایہ کاری دے ودھارے کیتے پالیسی فریم ورک تے بہترین ماحول دی فراہمی، کاروبار سوکھا کرنڑ کیتے حکومت دے اقدامات کوں اجاگر کیتا ۔
