اسلام آباد ۔ 15 جولائی (اے پی پی) وزیر اعلیٰ پنجاب عثمان بزدار چیئرمین سینیٹ محمد صادق سنجرانی نال سنوار کوں پارلیمنٹ ہاوس اچ ملاقات کیتی تے صوبے اچ جاری ترقیاتی عمل تے اہم ملکی امور تے گال مہاڑ کیتی ۔ایں موقع تے گال مہاڑ کریندے ہوئیں چیئرمین سینیٹ محمد صادق سنجرانی آکھیا جو ایوان بالا وفاق دی علامت اے اتے اے ایوان صوبائی اکائیاں دی موثر انداز اچ آواز چیندا رہسی تاں جو معاشرے دے پسماندہ طبقات کوں ترقی دے مرکزی دھارے اچ گھن آیا ونج سگے۔انہاں آکھیا اساڈے مسلیں دا حل جمہوریت اچ پوشیدہ اے، جمہوری عمل دے تسلسل کیتے اساں ساریں کوں کردار ادا کرنڑاں ہوسی۔ وزیراعلیٰ پنجاب چیئرمین سینیٹ کوں پنجاب دے ترقیاتی منصوبیں دے نال نال سماجی ترقی سانگے کیتے ونجنڑ آلے اقدامات دا ڈسایا ۔ چیئرمین سینیٹ ایں موقع تے آکھیا جو ایوان بالا صوبائی اکائیاں دی ترقی اتے معاشرے دے پسماندہ طبقات دے حقوق دے تحفظ کیتے کوشاں اے ،ایں حوالے نال صوبائی حکومتاں کوں ہر ممکن معاونت ڈتی ویسی ۔
