وزیر مملکت انسداد منشیات شہریار خان آفریدی داقومی اسمبلی اچ خیالیں دا اظہار

اسلام آباد ۔ 16 جولائی (اے پی پی) وزیر مملکت انسداد منشیات شہریار خان آفریدی منگل کوںقومی اسمبلی اچ خیالیں دا اظہارکریندے ہوئیں آکھیا جورانا ثناءاﷲ دے خلاف سارے ثبوت موجود ہن،جیرھے جو عدالتاں اچ پیش کیتے ویسن۔انہاں آکھیا جو قوم دے بالاں کوں نشے دی لعنت دے ذریعے نشانہ بناونڑآلیاں کوں کائناں چھوڑسوں۔انہاں آکھیا جو عوامی مفاد کیتے ساریاں پارٹیاں مشورے ڈیونڑ، اساڈے بوہے کھلے ہن ۔انہاں آکھیا جو آئین تے قنون دی خلاف ورزی کرنڑ آلیاں کوں کائناں چھوڑسوں۔انہاں آکھیا جو جیرھے لوک 30، 40 سال اقتدار اچ رہے انہاں منشیات مکاونڑ اتے اینٹی نارکوٹکس فورس دی استعداد کاراچ ودھارے سانگے اقدامات کیوں نی کیتے۔ انہاں آکھیا جو اقوام متحدہ دے ادارہ انسداد منشیات دی رپورٹ مطابق پاکستان 2001ءتوں پوست دی فصل توں پاک ہے۔ اے این ایف ساری دنیا اچ منشیات دی وڈی وڈی کھیپ پکڑی ہے۔ا یہ سبھ کجھ ادارے دی صلاحیتاں دا اعتراف ہے۔ انہاں آکھیا جو سینتھیٹک ڈرگس دے ذریعے کاص کر تعلیمی اداریاں کوں نشانہ بنڑایا گئے، اے این ایف دی کارکردگی دی وجہ نال منشیات سمگلنگ کوں مشکل بنڑایا گئے ۔ انہاں آکھیا جو میجر جنرل دی سربراہی اتے 9 بریگیڈیئرز دی نگرانی اچ اینٹی نارکوٹکس فورس قومی ذمہ داری اتے لگن تحت فرائض سرانجام ڈیندے پن،ایں سانگے ایہ آکھنڑ جو انتقامی طور تے کارروائی کیتی ویندی پی ہے، حقائق دے خلاف ہے۔ شہریار آفریدی جڈاں اپنڑیں تقریر مکائی تاں سپیکر انہاں کوں منشیات دے خلاف آگاہی اتے بحالی مراکز دی حوصلہ افزائی سانگے پورے ملک دا دورہ کرنڑ دا مشورہ ڈتا اتے سبھ توں پہلے انہاں کوں صوابی دے دورے دی دعوت ڈتی۔