اسلام آباد ۔ 17 جولائی (اے پی پی) وفاقی وزیرداخلہ بریگیڈیئر (ر) اعجاز احمد شاہ بدھ کوںہیڈ کوارٹرز پاکستان رینجرز (سندھ) دادورہ کیتا اتے ڈی جی رینجرز (سندھ) میجر جنرل عمر احمد بخاری نال ملاقات کیتی۔ رینجرز ہیڈکوارٹرز پجنڑ دے بعد وفاقی وزیر داخلہ اعجاز احمد شاہ یادگار شہدا تے پھلاں دی چادرچڑھائی اتے دعا کیتی۔ ایںموقع تے وفاقی وزیر داخلہ کوں پاکستان رینجرز(سندھ) دی آپریشنل تیاریاں، مشرقی سرحد، سارے سندھ ،خاص کر کراچی اچ امن وامان دی صورت بارے تفصیلی بریفنگ ڈتی گی۔ وفاقی وزیر داخلہ صوبے اچ دہشتگردی اتے بئے جرائم کوں روکنڑسانگے اقدامات اتے امن وامان قائم کرنڑ سانگے رینجرز دے کردار دی تعریف کیتی اتے ایں عزم دا اعادہ کیتا جو صوبہ سندھ دے امن کوں ہر صورت یقینی بناونڑ سانگے ہر ممکن اقدامات کیتے ویسن۔
