اسلام آباد ۔ 30 جولائی (اے پی پی)وفاقی وزیر برائے نیشنل فوڈ سکیورٹی اینڈ ریسرچ صاحبزادہ محبوب سلطان نال ازبکستان دے سفیر ایچ ای فرقت صدیق منگل کوں ملاقات کیتی۔ ملاقات اچ سانجھے بین الحکومتی کمیشن (جے آئی جی سی) اتے زراعت دے شعبہ اچ ہک بئے کوں تعاون بارے گالھ مہاڑ کیتی گی ۔ وفاقی وزیر صاحبزادہ محبوب سلطان آکھیا جو پاکستان ہک زرعی معیشت ہے اتے موجودہ حکومت ایںشعبے دی ترقی سانگے پرعزم ہے اتے ملک اچ زرعی انقلاب گھن تے آونڑ سانگے چنگی حکمت عملی مطابق کم کریندی پی ہے۔ انہاں آکھیا جو ڈوہائیں ملک لائیو سٹاک، جدید ٹیکنالوجی دے شعبیں، فارمنگ دے جدید طریقاں اچ ہک بئے دی مدد سمیت مختلف شعبیں اچ ہک بئے دے تجربات توں فائدے گھن سگدن۔
